Video
Read full review
2009-03-30
63 views
當日我地一行10人諗住去老牌京菜美利堅食吓飯,順便一聚.因為知道佢d野大件頭,所以共叫咗8樣野食.1.煎鍋貼鍋貼既皮厚薄ok,一啖咬吓,亦有不少肉汁,唯不夠熱,如果熱辣辣的會更好.2.炸熳頭上菜不夠熱,簡直係一大敗筆,炸既野唔熱,試問又點會好食.再加上無練奶蘸,更加令人意興闌珊.雖則朋友說一些正宗京菜皆不附上練奶,但是慣咗呢種吃法既我,總係覺得不是味兒.3.賽旁蟹個晚最欣賞之菜式,香滑,口味清淡,比較適合女仕.4.茄汁蝦仁鍋巴蝦既數量雖多,但全無蝦味,相信係雪藏蝦居多,且加入大量鹼水將之弄至有不自然的爽口感.茄汁無茄味,彷似一灘紅色顏色水而已.鍋巴則ok.5.糖醋排骨自問成世女都未食過咁差既糖醋排骨.粉太厚係炸野既死罪,汁根本無一絲半縷糖醋味,又係死罪,至於d肉,sorry,我真係只係覺得食咗一舊野入口,完全無肉味,簡直死罪中既死罪.唔該個帥父自己試吓味先比人食,真係太過份啦!6.京蔥鐵板牛肉當個菜上個陣真係令你滿心歡喜,個鐵板"滋滋"聲,重有一陣陣香味,攪到人食指大動.點知食落口又另一回事.牛肉落得太多鬆肉粉或梳打粉,變得無哂肉味,肉汁都係無味,好失望.7.和菜帶帽一個名字美麗但實際
1.煎鍋貼
鍋貼既皮厚薄ok,一啖咬吓,亦有不少肉汁,唯不夠熱,如果熱辣辣的會更好.
2.炸熳頭
上菜不夠熱,簡直係一大敗筆,炸既野唔熱,試問又點會好食.再加上無練奶蘸,更加令人意興闌珊.雖則朋友說一些正宗京菜皆不附上練奶,但是慣咗呢種吃法既我,總係覺得不是味兒.
3.賽旁蟹
個晚最欣賞之菜式,香滑,口味清淡,比較適合女仕.
4.茄汁蝦仁鍋巴
蝦既數量雖多,但全無蝦味,相信係雪藏蝦居多,且加入大量鹼水將之弄至有不自然的爽口感.茄汁無茄味,彷似一灘紅色顏色水而已.鍋巴則ok.
5.糖醋排骨
自問成世女都未食過咁差既糖醋排骨.粉太厚係炸野既死罪,汁根本無一絲半縷糖醋味,又係死罪,至於d肉,sorry,我真係只係覺得食咗一舊野入口,完全無肉味,簡直死罪中既死罪.唔該個帥父自己試吓味先比人食,真係太過份啦!
6.京蔥鐵板牛肉
當個菜上個陣真係令你滿心歡喜,個鐵板"滋滋"聲,重有一陣陣香味,攪到人食指大動.點知食落口又另一回事.牛肉落得太多鬆肉粉或梳打粉,變得無哂肉味,肉汁都係無味,好失望.
7.和菜帶帽
一個名字美麗但實際上係簡單材料煮成,味道一般.
8.北京片皮鴨
全晚最期待的一個餸,不過一上臺又再失望,一片片的鴨肉切得唔夠薄,一睇已feel到佢唔得,因為以前食過,人地片得好薄的.點知食落就證明咗我既第一感觀.最不濟既係佢已經涷哂,一d熱力都無,真係十個失望,唉~~~~~~!
我想我應該唔會再去,因為無咩好食.
Post
