Video
Read full review
2022-11-02
616 views
🆕一人餐廳 二人食我女友係一個超級烏冬控🆙 今日森仔帶咗女友嚟咗銅鑼灣呢間一人餐廳呢間餐廳格局比較舒適簡約寧靜 環境乾淨企理 可以好輕鬆自在咁食飯💕成個過程係自助形式嘅 喺入口先用自助落單機落單同付款 📱最特別嘅係 如果你同朋友一齊嚟 你可以買埋佢嗰份坐低先（不過記住要分單，因為一個位一張單嘅）等佢嚟到/差唔多度就可以將張單嘅QR code放落去個位嘅左下角 嘟一聲響就代表確認 廚房預備上菜 餐廳會自動將張單同坐緊嘅位connect 等無幾耐啲嘢食就會上枱架喇🙌🏻今次我哋揀咗坐喺內圓位 呢個位置特別在面前塊簾嘅後面就係師傅下廚嘅位置 師傅會喺你面前揭開塊簾上菜 簡單直接單人位一啲都唔逼夾 位同位之間有足夠空間我哋嗌咗加大份量嘅面 加小食同飲品 食麵時想夾下小食都鬆動 餐廳設計都好體貼 枱下有掛鉤掛袋餐廳內亦有佢哋自己嘅廁所 方便顧客使用佢哋上菜都唔會一次過上晒 甜品都會後上因為我哋實在太肚餓 我哋兩個人帶咗兩個加大嘅麵 三個小食 兩支嘢飲同兩個甜品😂😂 食完相當滿足☺️☺️🐓雞白湯叉燒烏龍麵師傅用咗原隻雞熬製左12小時整出嚟嘅清湯底 除咗可以加白湯整成雞白湯之外 仲可以整埋龍蝦湯、咖喱湯
我女友係一個超級烏冬控🆙
今日森仔帶咗女友嚟咗銅鑼灣呢間一人餐廳
呢間餐廳格局比較舒適簡約寧靜 環境乾淨企理 可以好輕鬆自在咁食飯💕
成個過程係自助形式嘅 喺入口先用自助落單機落單同付款 📱
最特別嘅係 如果你同朋友一齊嚟 你可以買埋佢嗰份坐低先（不過記住要分單，因為一個位一張單嘅）
等佢嚟到/差唔多度就可以將張單嘅QR code放落去個位嘅左下角 嘟一聲響就代表確認 廚房預備上菜 餐廳會自動將張單同坐緊嘅位connect 等無幾耐啲嘢食就會上枱架喇🙌🏻
今次我哋揀咗坐喺內圓位 呢個位置特別在面前塊簾嘅後面就係師傅下廚嘅位置 師傅會喺你面前揭開塊簾上菜 簡單直接
單人位一啲都唔逼夾 位同位之間有足夠空間我哋嗌咗加大份量嘅面 加小食同飲品 食麵時想夾下小食都鬆動 餐廳設計都好體貼 枱下有掛鉤掛袋
餐廳內亦有佢哋自己嘅廁所 方便顧客使用
佢哋上菜都唔會一次過上晒 甜品都會後上
因為我哋實在太肚餓
我哋兩個人帶咗兩個加大嘅麵 三個小食 兩支嘢飲同兩個甜品😂😂 食完相當滿足☺️☺️
🐓雞白湯叉燒烏龍麵
師傅用咗原隻雞熬製左12小時整出嚟嘅清湯底 除咗可以加白湯整成雞白湯之外 仲可以整埋龍蝦湯、咖喱湯同擔擔湯
雞白湯暫時我哋係食過最好食嘅 鮮甜同濃稠度啱啱好嘅雞湯 同個烏冬好夾
🦞龍蝦湯 鮮濃嘅龍蝦味 香辣味十足 味道相當特別 順帶講一講 呢一個湯可以走辣 想食唔辣可以係落單嘅時候揀選返我女朋友平時唔係好食得辣 但佢都完全接受到 食得好過癮😋😋
🐂 火炙半熟安格斯牛肉 肉汁 有種入口溶化嘅感覺 牛脂肪分布均匀，口感不但柔嫩略有咬感，咬落去勁多肉汁，但一啲都唔難咬，老少咸宜 。
🐣蛋黃天婦羅
因為呢度相當特別 冇喺其他地方見過 外脆內軟 外皮鬆軟 蛋黃基本都無得輸 簡單食物都可以整得好出色 流心蛋黃同外皮prefect match♥️
🐟明太子芝士春卷 香脆可口 外皮爽脆內軟韌 口感十足 凍小小食都超正 過咗段時間再咬都有芝士拉絲 食過返尋味 都依加都好想再食🥹
飲品係炭焙烏龍同玉山烏龍 兩隻都有回甘味 兩隻都好飲 前者係香濃啲 先濃後甘 後者清啲 甘味相對淡啲 行完街飲涼爽到爆😂😂
最後就係甜品 罐裝蛋糕近年好興 食個麵都可以叫埋打卡 唔係得個樣 我哋叫嘅士多啤梨同抹茶都好好食 士多啤梨鮮甜美味 口感軟棉嫩滑 又唔會太甜 🍓
呢度嘅烏冬同小食都相當出色，環境、食物、服務都係拎我哋覺得可以encore嘅因素 自己一個人嚟都唔會覺得唔自在🥹
Post
