上海老家 (Closed)

今日同朋友去大角咀食晚飯，去左中匯街既上海老家。我哋點左二人精美套餐（五香燻魚，老家酸辣湯，老家松子魚，魚肚煮津白，甜品）,炸饅頭，小籠包，上海菜飯，韭黃鱔糊，高力豆沙。五香燻魚-甜甜地帶煙燻味道，好香魚味魚肉嫩滑。老家酸辣湯-材料豐富冬菇，蛋花，肉絲，豆腐，木耳，竹筍。味道少少酸辣令胃口大開。老家松子魚-炸到魚肉外脆內熱，魚肉滑身肉質鮮甜。再加上酸甜汁還有菠蘿，提子，蕃茄仔。魚肚煮津白-菜新鮮清甜加上魚肚上湯更加好味道。甜品係擂沙湯丸，黑芝麻餡更加香口。炸饅頭-熱辣辣點上奶食甜甜地更加好食。小籠包-必食菜式皮薄鮮肉餡內含大量肉湯汁。熱辣辣上枱，咬開飲一口湯汁再成個食就是最好。上海菜飯-好多菜，味道口感都好好。韭黃鱔糊-韭黃鮮嫩，鱔香口有魚香味。高力豆沙-紅豆餡好香紅豆味而不會過甜。