南洋家

Open Now

Now Closed

南洋家位於灣景樓地下、地點非常方便。喺中央圖書館附近行1分鐘就搵到。🚶雖然係外賣店、但係應有盡有、唔同種類嘅東南亞小食都有。例如芒果糯米飯、唔同類型嘅飲品。👍👍我同朋友叫咗是日推介，＄100任選三盒。分別揀咗海南雞、炭燒豬頸肉同埋芒果糯米飯。甜品方面，我地各自叫一份斑蘭蛋糕。店員非常細心❤️ ，臨走前提醒我哋芒果糯米飯記得拎走個芒果，然後叮熱啲飯先好食。唔係啲飯就會硬晒同黐埋一舊。海南雞個皮好脆，肉好爽口。點埋嗰醬食甜甜哋、好惹味。🥰炭燒豬頸肉加個醬一齊食好有泰國風味🇹🇭、但係會有啲辣。🌶️芒果糯米飯，係夏天食好爽，芒果冰涼涼配埋椰汁撈飯食。再加多一件飯後甜品班蘭蛋糕，好有幸福嘅感覺。估唔到可以一次過試晒唔同嘅東南亞美食、超正。