樂天經典 (奧海城二期)

Open Now

Now Closed

好耐之前同朋友食過呢間位於奧海城嘅中菜餐廳，當時印象都唔錯，前幾日又行開奥海城，就同朋友再幫襯下🥢一飲到去店員就幫我地開左壺茶同放低左餐前小食。佢地嘅餐前小食味道都唔錯，係煮熟左嘅花生同栗子，係正式上菜前可以過下口癮。✨招牌扣肉包（$32）見唔少人推介佢地嘅扣肉包，我地就叫黎試下。微甜嘅白饅頭包住肥瘦相間嘅紅燒肉，饅頭嘅甜味中和左紅燒肉嘅肥膩感，味道都唔錯。✨排骨王（$98）呢款排骨王就相對冇咩驚喜，唔太特別。✨砂煲天麻黃酒雞（$98）呢個砂煲黃酒雞上枱嘅時候仲係熱到起泡，非常新鮮，食落有淡淡嘅藥材香，味道唔錯😋✨臘味炒飯（$95）最後呢個臘味炒飯都幾足料而且有鍋氣，都值得一試。