Jagger

Open Now

Now Closed

龍蝦湯：龍蝦味濃郁，老闆話用到蝦龍殼黎blend,好幼滑，口感同味道都一流。炭燒安格斯肉眼牛扒：落單點咗五成熟，一切開就知龍與鳳。睇色水就知除咗做到5成熟既基本功，無overcook,炭味亦都好突出，將食物昇華。安格斯牛味本身亦都濃郁，配合烹煮的高水準，的確無浪費到塊扒。高水準之作，12oz 都略嫌未夠喉。避風塘海蜆墨魚麵：估唔到中式嘅避風塘fusion西式嘅墨魚麵味道又幾夾。配合大蜆嘅鮮味，將墨魚面既味道食落更有層次，食完仲想再encore。Air Force Red ：無酒精既mocktail 黎，配上新鮮荔枝，士多啤梨，蘋果汁,薑汁汽水等等，味道好清新，亦唔會太甜。Sick Leave : 亦都係一杯無酒既mocktail 黎。有火龍果，薄荷葉，青檸同紅莓汁等等，味道幾夾，酸酸甜甜，有清爽解膩的感覺。總結：食物質素頗高，牛扒尤其出色，值得試試。