豬屋日本料理

Open Now

Now Closed

同朋友係佢屋企樓下附近諗住食日本料理滿足下無得去日本旅遊既心情，可惜餐廳內太多人，於是改叫外賣買上樓食。叫左份宮崎便當、豬軟骨拉麵、椒鹽魷魚，等左15分鐘左右食物巳經包好哂，餐廳用左個環保袋pack成一袋，為左保存溫度仲訂合上袋口。一路拎住都聞到個袋裡面傳來食物香味，上到樓急不及待地打開，因為驚個拉麵會吸哂水漲哂唔好食，一打開，餐廳原來用左分隔層，拉麵與湯分開，倒返一齊，麵食食落依然保持彈牙軟滑，豬軟骨有成8、9嚿，肉質琳身，每嚿都帶住軟骨，咬得有口感。朋友食既宮崎便當都好正，分開左4格擺放唔同既食品，最大主格珍珠米配日式甜咖哩汁，日式雞排，炭燒豬頸肉、燒茄子、味付螺肉，好豐富既配搭，朋友食得滋味。椒鹽魷魚咬落脆口，每條都係採用魷魚鬚去炸，同朋友就唔洗爭住邊個食鬚，有埋沙律醬點下配搭，係比較傳統既日式料理配搭，整體上唔錯。