Romanova Bakery (Moved) New Location

我朋友生日要諗吓去邊度搵蛋糕，其實都唔係想像中咁容易，因為有啲蛋糕好味得來未必好好睇，有啲調返轉就係做得好靚，影相就非常之好，但係識落就好簡單嘅忌廉海綿蛋糕咁。一係就係一個圓形或者長方形海綿蛋糕，之後幫你打印一張相落去，最多就係幫你側邊加啲cream，或者加多少少色彩豐富嘅水果，雜果之類。你今次經過朋友介紹嚟咗呢間買蛋糕試吓，地點非常方便就響K11 Art Mall入邊地鐵嗰層，落雨都唔使驚。試咗佢最出名嘅俄羅斯蜂蜜千層蛋糕，雖然張相影得唔靚，但係味道同外表都好靚，去買蛋糕嗰陣時服務態度都非常好，非常細心，食落去嘅味道亦都好香嘅蜂蜜味同埋開心果嘅味道都好出。仲有要特別提到佢售後服務都非常好，攞完蛋糕之後嗰一日都會問返我食完之後覺得點，同埋服務方面有冇需要改善嘅地方之類，好細心好識做生意。絕對會建議其他朋友有機會買來試吓。