Oliver's Super Sandwiches

Open Now

Now Closed

餐廳係午餐時間都算係full，顧客入到餐廳之後係自助式咁搵位的，坐低之後枱上面有個QR code，可以自己攞手機掃完之後手機落單同俾錢，之後就會有店員直接送餐去客人張枱度。當然，如果唔識用呢個QR code，都可以去收銀處落單同俾錢。今次叫咗個菠菜三文魚長通粉配熱檸水。落咗單大約5分鐘後，店員首先會送上飲品先，仲會好細心講一聲叫顧客慢慢享用飲品先，食物轉頭再上。輕輕的一句，其實都係一個細心嘅行為杯咖啡幾香濃，飲得出係即磨咖啡，幾香幾好飲，拍得住咖啡店嘅質素！大約10分鐘後，長通粉終於送到上嚟了上到嚟嘅時候係熱辣辣，啱啱整好即上！菠菜同三文魚量都唔算少，配嘅醬汁同長通粉嘅味道好夾！好食而且分量都啱啱好，食得晒而且又夠飽。下次再經過呢度，值得試一試！