輕時光

Open Now

Now Closed

經過上環嘅時候路過呢間飲品店，見到裝修好靚，外牆嘅顏色吸引咗我入去。入到黎發現原來呢到主打用乳酪製成嘅飲品，感覺健康好多。同朋友一人叫左一杯飲品。蜜瓜優格果昔大杯，加倍優格，走甜。飲到啖啖蜜瓜肉，蜜瓜味好香。呢杯係期間限定，應該係夏天先有，所以我果斷揀呢杯。雖然走甜，但因為蜜瓜本身已經有天然嘅甜味，所以呢杯都係甜甜地嘅，好好飲。我鍾意用yogurt整嘅飲品多過牛奶，酸酸甜甜味道豐富啲。芒果熱情果優格果昔朋友經一番掙扎之後揀左呢杯。同樣都係大杯，加倍優格，走甜。呢杯飲落嘅yogurt味重啲，口感濃厚啲。不過，因為熱情果本身係酸嘅，所以呢杯嘅味道都會偏酸，但朋友正正就係鍾意呢種酸酸地嘅味道，佢話好好飲。味道一流，下次再幫襯。