Video
Read full review
2016-05-15
1218 views
瞓醒就食，食飽再瞓！昨晚飲唔醉，返到屋企三點仲要睇龍珠五點先瞓囉。瞓醒落街食個奔廚先！又會咁多人既？本來過門不入，最後都係是但返轉頭，搭枱就搭枱啦。四眼肥佬老闆咁熟好臉呢？邊個黎呢？係咪識架呢？成日斷片真係記唔到添。姐姐認得我黎過呢，麻煩的扒麵轉丁麵加餸加點心加凍飲，加錢加錢再加錢 $68。四寶雞紮，只有幾款點心，有蒸飯供應，點心都係點綴一下啫，全部一律 $17 好經濟。魚肚、冬菇、雞柳、芋頭，我不吃芋頭的呢，用火腿或豬肚更適合我。雖然我偏好棉滑魚肚，但爽口魚肚唔錯喎，超水潤！吸盡精華汁液至飽和，每口都爆汁，舒服！雞柳結實味濃帶肉汁，冬菇彈彈滑嘟嘟，腐皮濕潤帶滑，嚥韌中滲出四寶精華，高質美味。乾蒸燒賣，熱騰騰出晒煙到步，半瘦肉半肥肉，不肥膩。微微結實，材料緊扣不易散，蝦爽濃味，幾好食，唔錯呀！太陽蛋雞扒出前一丁，我愛煎雞扒較多啊，熱辣辣炸雞扒都好香脆 juicy，皮脆肉嫩撞出美味，好好食。太陽蛋雖則熟了一點，少有煎得蛋白脆底滑面又香口。麵條軟硬得宜十分滿意，掛上濃濃湯汁與甘香蛋黃啜入口，那有投訴之理，正。太陽蛋雞扒出前一丁加四寶雞紮夠喇，今晚六點要去食烤魚，唔食咁多喇。專登落街諗住去惠
本來過門不入，最後都係是但返轉頭，搭枱就搭枱啦。四眼肥佬老闆咁熟好臉呢？邊個黎呢？係咪識架呢？成日斷片真係記唔到添。
姐姐認得我黎過呢，麻煩的扒麵轉丁麵加餸加點心加凍飲，加錢加錢再加錢 $68。
四寶雞紮，只有幾款點心，有蒸飯供應，點心都係點綴一下啫，全部一律 $17 好經濟。魚肚、冬菇、雞柳、芋頭，我不吃芋頭的呢，用火腿或豬肚更適合我。
雖然我偏好棉滑魚肚，但爽口魚肚唔錯喎，超水潤！吸盡精華汁液至飽和，每口都爆汁，舒服！雞柳結實味濃帶肉汁，冬菇彈彈滑嘟嘟，腐皮濕潤帶滑，嚥韌中滲出四寶精華，高質美味。
乾蒸燒賣，熱騰騰出晒煙到步，半瘦肉半肥肉，不肥膩。微微結實，材料緊扣不易散，蝦爽濃味，幾好食，唔錯呀！
太陽蛋雞扒出前一丁，我愛煎雞扒較多啊，熱辣辣炸雞扒都好香脆 juicy，皮脆肉嫩撞出美味，好好食。太陽蛋雖則熟了一點，少有煎得蛋白脆底滑面又香口。
麵條軟硬得宜十分滿意，掛上濃濃湯汁與甘香蛋黃啜入口，那有投訴之理，正。太陽蛋雞扒出前一丁加四寶雞紮夠喇，今晚六點要去食烤魚，唔食咁多喇。專登落街諗住去惠康買洗頭水先，誰知被水貨行攻佔，我想買樽洗頭水啫！算，唔買！
腸仔豬扒出前一丁，如果係煎豬就好喇。炸豬扒薄薄炸漿微脆鬆化兼香口，醃味適中甜美，肉汁微滲，都蠻滿意好味，juicy 點就更開心啦！
腸仔味道正常而結實，無怪味又不過咸，我愛烚到脹卜卜係爆破邊緣最水潤多汁。翠綠爽嫩甜甜生菜，份量不少，美味。
枱面唔見有辣椒油都諗住算架喇，恰巧隔離住哥哥叫辣椒油，麻煩晒。辣油淨係得油，我要食渣架！連落 3 匙終於夠辣，辣味似用黎配潮州粉果既無渣淨辣油。
四寶雞紮
67 views
0 likes
0 comments
四寶雞紮
53 views
0 likes
0 comments
乾蒸燒賣
48 views
0 likes
0 comments
太陽蛋雞扒出前一丁
42 views
0 likes
0 comments
腸仔豬扒出前一丁
39 views
0 likes
0 comments
腸仔豬扒出前一丁
39 views
1 likes
0 comments
Post
