泰一 (Closed)

今日係鰂魚涌附近放工, 就約帶咗個住新界區嘅朋友搭電車落去筲箕灣東大街尋找美食因為想食泰國菜,我哋就向住呢個目標尋找, 好快就比我哋發現咗呢間裝修簡潔乾淨嘅泰國菜餐廳 ~ 泰一 ! 餐廳位於電車總站同地鐵站嘅中間, 位置都幾方便! 入到去更發現廚師係泰國人, 即時覺得夠正宗加咗分泰式生蝦(8隻) $108 ~ 生蝦幾厚肉夠晒大隻, 肉質爽口彈牙, 幾新鮮冬蔭功湯(小) $78 ~ 湯嘅份量都幾多, order 咗個細size 的, 都可以每人飲到幾碗(2人), 湯嘅酸辣度恰好,湯味濃郁, 都幾多湯料, 蝦大隻爽口彈牙 如果配個米粉或河粉應該會好好味蝦餅併豬頸肉 $80 ~ 蝦餅炸得幾香脆, 蝦膠厚身彈牙 豬頸肉份量都幾多, 肉質Juicy爽口, 配埋個秘制醬汁真係幾好食馬拉盞椰菜苗 $88 ~ 椰菜苗夠新鮮爽脆, 馬拉盞味再濃啲會更加好印度薄餅配咖哩汁 ~ 薄餅配埋個咖哩汁, 呢個安排確係好, 因出面好多餐廳都沒有此安排的! 抵讚 薄餅厚薄適中又唔黏口 , 唔錯!龍眼冰 $24 ~ 都幾多龍眼肉, 甜度又恰好青檸梳打 $24 ~ 清新解渴, 啱晒而家啲天氣