泰一 (Closed)

早排同老婆同佢家姐一齊去咗呢度食泰國嘢。叫咗個菠蘿炒飯同埋咖喱軟殼蟹。非常之好味老婆食到舔舔脷。仲叫咗個串燒同埋啤酒。早兩日同老婆諗住再嚟嘅時候原來已經冇做了。

夜晚放工決定同朋友黎試下呢間泰國菜。入到去得幾個人食緊野，座位都算闊落，環境唔錯。不過冷氣開到好凍，所以叫waiter 幫我地較細左，唔係既話真係會變雪條😖由終我同朋友都唔係好食得辣，所以都係叫左d 唔辣至少辣既菜試下。首先到既芒果蟹肉炒飯$88，飯炒得幾香，但得好少芒果，同埋芒果偏酸唔夠甜，但整體黎講個飯係好食既泰式生蝦(8隻) $108，蝦幾新鮮，但好普通，冇乜特別。好彩個醬配得幾好，類似醋加蒜蓉辣椒咁，酸酸甜甜幾開胃，不過試一次就算，因為覺得有d 貴椰子雞湯(小)$68，個味同我想像中好唔同酸酸辣辣咁，可能係我食唔慣泰式菜，都係鐘意打邊爐個d 清甜椰子雞湯多d 不過個湯入面都足料，有雞肉同菇，但我地因為個湯既味道關係最後都飲剩好多。最後叫左個生菜肉碎包$78，菜幾新鮮同埋洗得乾淨，咬落爽脆，夾埋肉碎食真係不得了! 但d 肉碎睇落冇乜野，原來混左好多辣椒子係入面，食食下就會覺得好辣! 辣到我同朋友眼淚鼻水都流晒🤧🤧下次都係叫返d 拼盤食算

筲箕灣東大街出名多美食，今日放工同gf就準備去搵食😋今次揀左間泰野野會一會佢！未order 前見到隔離檯d 野都好大碟，而我地得2個人都唔敢叫太多，最後叫左3樣（點知都係太多🤦🏻‍♂️)冬蔭公明爐烏頭 $178 - 泰式烏頭一直都係必試之選，雖然烏頭肉味唔算特別，但係勝衽啖啖肉，再吸埋d冬陰功湯底，即刻令d 魚肉鮮味提升！！冬陰公湯底更加係無得彈！咖哩大頭蝦 (3隻) $288 - 原本想食蟹，但最後揀左大頭蝦，咖哩味幾香，大蝦開左邊，易入口。紅酒燴牛柳粒飯 $80 - 紅飯係咪等於西炒飯🤔any肥，食左先講😆牛柳粒好味，飯好惹味！

想試試泰國菜，我們一行三人到筲箕灣東大街的泰一菜館，6點15分左右到達，座位算是舒服的。時候尚早，還沒有其他客人。點菜後十來分鐘，服務員送來一份炸軟殼蟹，一條頭髮粘著包軟殼蟹的粉皮，我叫服務員來看，他過來一看，馬上整碟拿去廚房。再過幾分鐘，服務員又送來一碟炸軟殼蟹，我一咬，怎麼是又軟又冷的？軟殼蟹裹粉炸的，應該是脆脆的吧？我懷疑是剛才有頭髮的那碟，於是我們取消了這道菜，然後擔心接下來的菜會不會被廚房吐口水呢？接下來的白冬陰功海鮮湯，酸辣無比，只能吃湯裡面的食材，湯水完整留下。蟹肉炒飯正常；鐵板煎蠔餅，胡椒粒太多了，啖啖都是胡椒粒；麵包咖喱海鮮，醬汁太濃稠，回家後瘋狂喝水，不會再去了。

東大街成條街都係野食 今晚想食泰國野 泰一款式都幾多 咖哩大頭蝦 (3隻) $288蝦都幾大隻 開左邊方面食 不過唔係隻隻都新鮮爽口 咖哩就唔太重味 勝在夠杰身掛到汁冬蔭公明爐烏頭 $178份量比想像中多 烏頭上鋪滿粉絲 仲有好多蔬菜 個湯酸酸辣辣好惹味 仲要有粉絲煮淋吸晒湯超級好味 烏頭就俾我地熱住太奈整到老左 不過個冬蔭公太好味都食晒咁大條魚紅酒燴牛柳粒紅飯 $80紅飯炒香似西炒飯 不過唔油 牛柳粒就唔重紅酒味 反而好出黑椒味 幾香口

相信好多人都知道東大街都出名好多好野食呀啦，原來係東大街另一邊啫係近超級市場果邊都有啲舖頭比人miss左。今次有朋友帶路4人同行，去左超級市場對面一間叫泰一既泰國菜。泰式青木瓜沙津好開胃既既菜式，除左青木瓜之外仲有車厘茄等等嘅配菜椰子雞湯材料除左雞之外，仲有菇。飲落有少少辣，同埋酸，而且帶有好濃既椰子味。雞肉以湯黎講都算係嫩滑。我本人就幾鐘意呢個湯喇。蝦醬炒飯炒飯本身就唔算有太香濃既蝦醬味，同香港式既做法有啲唔同。不過佢勝在配料夠多，其中肉鬆係最香口。黃咖哩牛腩相信係配合返香港人口味，呢個黃咖哩係一啲都唔辣連小朋友都可以食到。用黎撈飯一流。而牛腩處理都唔錯，唔會太硬。馬拉盞炒通菜味道好香口，通菜唔老。泰式生蝦蝦好新鮮，而且果個酸辣汁好醒胃。hardcore既朋友可以連蒜加辣椒再點果個汁一齊食。鹽燒烏頭魚基本上唔會食到太咸，而且肉裡面都嫩滑。

之前跟朋友來過， 對於出色的生蝦及冬蔭功湯念念不忘。適逢家人生日飯，便提議encore泰一。七點多來到，坐在近門口的卡位，位置算寬敞。打算點四人餐再單點，應該夠吃。四人套餐 - 青木瓜沙律酸酸辣辣，很開胃。套餐 - 椰子雞湯上次試了冬蔭功湯，今次試試椰子雞湯。椰子味很濃，有菇類和雞肉，很香濃很足料。酸酸的，同樣很開胃。套餐 - 蝦醬炒飯炒飯很香，濃濃的洋蔥及蝦醬味，可按個人喜好加入配料，肉鬆最惹味。套餐 - 黃咖哩牛腩一點也不辣，甜甜的。牛腩很淋，不會癡牙，配菜亦很多，抵食。套餐 - 馬拉盞炒通菜泰菜必點，很香，吃到一粒粒蝦米。單點 - 生蝦好好吃，今次來必encore。個人認為夾蒜片加秘醬最好味！單點 - 燒烏頭肉質鮮嫩，不用點醬都夠味，吃出鮮味，正！整體而言，味道一樣出色，回頭率100%

最近筲箕灣東大街常常在我的食評中出現，並不是因為我自己住在筲箕灣，只是最近比較常去那兒。到了東大街，又怎會只吃有名的某間魚蛋麵？那條街道其實還有很多臥虎藏龍的餐廳，等待給人們發掘。餐廳內環境並不算十分大，算是正常的大小，其實對於我來說不用搭枱已經算不錯，我和男朋友去吃，想不到職員也給我們偌大的「卡位」，坐得頗舒服的，只是有個缺點就是在廚房旁邊。食物也是正常的泰國菜式，粉麵、串燒、小食等等，沒有什麼驚喜可言。蝦餅拼豬頸肉 $80以小食來算，$80絕對不便宜，到底要做到如何的質素才值回這個價錢？小食的份量還可以，先說說蝦餅，蝦餅每一件都做到脆卜卜的，也有很多的蝦肉在內，而豬頸肉則爽口而且不油膩，很乾身，而且大大件，質素不錯。上湯扎肉金邊粉 $45每次光顧泰式或越式的餐廳，都總想吃扎肉湯粉，因為是在這些餐廳中比較沒那麼油膩的食物，來到這裏當然也點了一碗來吃。食物一來到已令我十分驚訝，$45的扎肉湯粉竟然也有那麼多的扎肉而且每一件都十分厚身，曾經去過不少泰式或越式的餐廳，扎肉都是薄身的，這裡的扎肉卻令人充滿口感。馬來沙爹6串 (豬、牛、雞) $70串燒是我每次去到泰國餐廳也會吃的食物，串燒相比

第三次黎呢度食啦！無失過準，但大家如果要黎記得帶多件衫啊，因為呢度既冷氣都相當厲害，如果想品嘗呢度既岀色既芒果沙冰就更加要帶多件外套先好黎了。因為我同家人太凍既關係所以叫左個湯暖下身，呢個椰子湯有啲同我想法唔同，佢係用椰奶去煲，但我以為係清底既椰子雞湯，不過味道都不錯。呢個馬拉盞炒米粉好好食！值得再戰。小食併盤好多樣花！！！！我同我家人都好喜愛，但個春卷略嫌佢唔夠脆。上次黎食脆啲。個飯有臘腸落！同埋都幾多菠蘿，好味！推薦指數10分有7.5分！仲有值得一提既係staff今日全男班，但個個都好友善，一啲都唔麻甩！相當好！

就在幾個月前看到東大街有間新開業的餐廳，一直很有興趣想找個機會去吃，而平常去的餐廳都膩了便決定今晚去試一下。一進到餐廳看到的就是那部超大的電視機，能夠吃飯同時也可以追看電視劇，非常窩心。而且餐廳燈光明亮，座位寬敞也坐得很舒服👍🏻因為很久都沒有吃過泰國菜，看到餐牌就十分興奮，瘋狂地點了一大堆食物😂上菜後每一碟的份量都很多，兩個人食得十分飽滿。每一蝦都很大隻，而且十分新鮮爽口。冬蔭公湯味道濃郁，裡面的材料也是滿滿的。拼盤裡有炸雞翼、炸春卷、酸辣鳳爪、冬蔭公魚餅及炸蝦餅，真是包羅萬有，份量十足。其中炸蝦餅很好吃，裡面不點不馬虎，每一口都吃到蝦肉。泰菜裡必點的，這裡炒得夠味卻不會很油膩。金邊粉夠煙韌，帶著酸甜的味道，十分美味。整體來說，食物很美味，環境也大大加分，我絕對會再來光顧。

這間是東大街食店中我近期最愛去的，覺得𥚃面應該有個不錯的廚師，整體上每個菜色都好味，價格也平民。 巨型麵包切開上面放咖哩牛腩那個菜色好味，豬脾飯丶龍眼冰都不錯，炒飯也熱辣辣，但生菜包要叫小辣，否則麻辣好利害。原來紅咖哩是完全不辣，黃咖哩最啱我。 去過三次，但最近已沒有飯後送甜點，最近一次去也有了加一。可能已過了新開業期，好似現已開了半年。 幾個月前第一次去時，入去坐下幾分鐘都沒人招呼心𥚃想走，那時沒有很多客人，幸一位高大白淨靚仔後來招呼我們都很有禮貌，也耐心解釋三款咖哩的分別，感覺很好。之後兩次服務都ok，是正常晩市時間。

今日去完石澳沙灘游水，掛住玩，無好好咁食嘢，塞車出番嚟市區已經胃反反。要開胃，第一時間諗到食泰國嘢，見到東大街開咗間叫泰一嘅，正好醫醫胃！餐廳座位闊落、冷氣十足！隔離左右都是街坊一家大細來吃飯，這𥚃應該是附近居民的飯堂吧。小食其實有好多款，最後點了蝦餅，上枱時仲熱，外在鬆化，內在蝦肉都幾彈牙！想搵啲頂肚嘢食吓，泰式香葉肉碎炒飯係必然之選，貪佢啲肉碎酸酸辣辣又有金不換嘅獨特香味，送飯一流！咸魚炒椰菜苗，最緊要夠鑊氣，我鐘意椰菜苗夠咬口，又未必間間餐廳都有，所以如果一見到就一定係必叫之選！泰式燒雞，燒雞一要香脆，二要入味，三要夠juicy， 做不到以上三點都不算好，熱辣辣咁送到嚟，即刻要食多兩件！食完呢餐泰菜，胃部即時無投訴！所以話食泰國菜真係勁療癒啊～

平時宵夜時間經過呢間餐廳見到入面冇乜客，都唔夠膽入去試，但今晚實在太肚餓，M記又收左，所以入去試下佢。點知係完全中伏，簡直係不知所謂，冇服務，冇食物質素，完全唔似係做生意。👎😡叫左牛肉濕炒河，出到來係雞，炒河落好多味精落去炒，所以炒到似湯河咁，泰式鳳爪得個辣字，完全冇泰式風味，我諗係惠康買嗰啲現成泰式鳳爪都好食過佢👎之後口乾到想叫侍應拎杯水飲，成間餐廳既樓面就係門口食煙，又粗口又爛咀，完全影響成間餐廳既環境😵！！！入到泥時候諗住同佢地講出錯食物比我，聽完就冇理到我，之後食既時候冇餐具，叫人拎又冇人理，嬲到我自己去拎算，係東大街我諗呢間係食過最差最冇質素既餐廳，我唔明白點解佢咁樣既質素同埋食物品質都會有咁多個like係佢個餐廳到，其實我都係睇過佢既食評先有信心入去試，點知係比食評昆左，我對天發誓，一定唔會再食呢到

剛開業就已經幫襯 就連媽咪生日都安排過喺呢間餐廳食 剛開業時服務食物水準都甚高 服務態度直頭超班 所以一放假都會去食午餐 價錢亦係接受範圍不過最近晚上10點去食 入到去坐低 坐左5分鐘都無餐牌 要問先有全程都無招呼可言 認真失望 一去到有個碗污糟都唔敢叫佢地換 朋友自己走去拎個新碗剛開業時有個肥哥哥好好客 服務好好 所以介紹左唔少住筲箕灣既人落去食 希望服務可以有待改善 因為食物水準高先會繼續幫襯 但奈何服務一直下滑 有少少唔耐煩加大大力放野

晚上9點幾先至去食飯，餐廳都有幾枱客，個環境都幾嘈，因為其中一張枱嗰啲食客講嘢講到好大聲。我哋都叫咗一個雜錦拼盤同原隻椰青海鮮焗飯。 侍應完全冇諗過俾個碗或者碟我哋，所以我哋要就住咁食。白雲鳳爪都唔錯，最好食係啡啡哋色嗰嚿鯪魚球肉，炸得好香又有啲泰式香料嘅味道，個春卷好油膩，炸雞翼唔新鮮過咗氣。OMG! 完全唔係我想要嘅，佢上面嗰pat椰漿想點呀?椰漿、飯、海鮮完全冇融為一體，失敗! 而啲海鮮又冇乜味。 隔離嗰杯椰青水，底部嗰啲全部都係椰殼碎。食呢個飯嘅時候，侍應都冇諗住俾碗我哋，問咗佢兩次，最後佢掟係張枱度。