丼丼屋 (Closed)

丼丼屋係旺角黎講都叫做唔係太需要等位既餐廳，於是我好多時都會去。雖然去左咁多次，但都未試過佢D刺身飯既，原來味道都唔錯。蕃茄沙律我地2個女仔都係要叫個沙律既，蕃茄沙律好清新，酸酸甜甜咁，上面加左D洋蔥碎，連埋一齊食更加有口感。最岩夏天食。什錦刺身丼我叫左個什錦刺身丼，有三文魚、吞拿魚、蛋、立魚、三文魚籽、青瓜咁。初時睇落去以為個飯好細，唔會飽，但原來對女仔黎講應該夠飽。我選擇左耒'撈埋唒D刺身一齊食，淡淡都咁refresh。我個FD叫左多D海鮮既刺身丼，有海蝦、帶子、三文魚、鱆紅魚咁，我見到都好豐富，D刺身都好新鮮。價錢唔貴，每人都係$120到，係旺角度度地方都差唔多要呢個價錢，都算抵食。最好係唔使點排隊，唔使煩。