JC Room (Closed)

有時放假除左係屋企休息之外，都會出街行吓睇吓咁先可以知道近期興D乜嘢，順便又可以發掘更多好嘢食，留番下次有機會可以去品嚐一下，就係幾日前行開旺角一帶，有時唔行開嘅街都好多變了食肆吸引咗一班人來開飯，唔怪特別多人，是日就去旺角其中一條街開飯就係廣華街，係附近已見有不同食肆連埋糖水店夠晒方便，而我地選擇咗呢間食西餐餐牌款式都有多種選擇包括特色小食，海鮮拼盤，意粉，燴飯，扒，漢堡等，當然有甜品，連同特色飲品及酒類提供，我同好友分點咗set dinner 食，口味各不同，先有鬆軟麵包，是日餐湯係蘑菇湯，當然趁熱飲咗先，入口香滑味道濃郁飲完餐湯就到主菜出來，我點係香煎盲鰽魚柳，已見盲鰽魚柳煎得魚皮表面香脆，再加香草同黑椒食落會提升味覺，輕輕切開魚肉肉質鮮嫩又多汁，先食一啖入口鮮甜滑溜煎得出色，仲係啖啖肉可點埋介未汁食，口感十足而另一款係辣肉腸莎娜美腸薄餅.馬蘇里拉芝士，薄餅用料足，餅底脆卜卜，每啖都食到香濃芝士同肉腸，食得夠滿足其後有小食香辣脆炸雞翼，熱辣辣雞翼，入口外脆內嫩，會食到有點辣不過又幾惹味食完一輪美食當然唔會漏咗食甜品，逢食套餐就有優惠價，咁就點了伯爵茶焦糖燉蛋，焦糖夠脆燉蛋入口香滑