板長壽司 (新安大樓) (Closed)

今日同舊朋友食lunch，知道板長壽司定食有八折，所以我哋一齊去食。我哋一共order左4樣食物：1. 櫻花蝦豆腐這豆腐$28有4件，微辣，櫻花蝦好足料，外微脆內軟好味。2. 鮟康魚肝壽司見這壽司特價$9一件，好平就試吓，味道唔太腥，新鮮即整，紫菜好脆，成個壽司放入口好脆好正，如果唔係叫左定食都想叫多幾件。3. 迷你櫻花丼内有醬漬吞拿魚、三文魚、玉子蛋、青瓜，吞拿魚比較新鮮，而飯夠多，食完會滿足。4. 迷你牛肉稻庭烏冬定食稻庭烏冬定食包括5件壽司，對我來講夠飽的。我個人鍾意食扁烏冬，所以特別好鍾意呢個定食，不過今次牛肉煮得比較硬，有點失落，希望下次食會好啲。店內座位之間有隔板，就算疫情lunch多人都放心用餐嘅。