哥哥添飯•妹妹泡茶

Open Now

Now Closed

鹽酥脆炸雞配魯肉飯 $108($10升級定食：時令前菜三小碟+魯肉/杞子青菜+小甜品)炸雞係兩大件雞脾，外皮酥脆，雞肉嫩滑，食落juicy唔乾身。魯肉飯味道唔會咸，肉碎份量好足，滿滿一碗好飽好滿足。前菜有香脆嘅魚仔花生、香甜回甘完全唔苦嘅苦瓜、同酸瓜，好吃開胃。青菜係油墨菜，配杞子口感清新爽脆，配魯肉味道濃而不膩。而小甜品係香甜嘅忌廉同巧克力泡芙。- - -岩鹽咸豬肉拼皮蛋醬生菜包 $108($10升級定食：同上)岩鹽係健康嘅礦物鹽，上菜咸豬肉放喺岩鹽板上面，均衡沾上鹽份嘅咸香。豬肉片香煎唔肥膩，可以自由配搭夾係生菜或者蒸刈包到食，再塗上皮蛋醬，味道咸咸地，香口好吃。- - -乳酪芝芝六重天綜合奶茶 (套餐加配 $34)超足料嘅飲品，表面有胚芽加香濃芝士奶蓋，底下有黑糖珍珠、手工芋圓、芋泥，再混合係淡奶茶，飲落口感味道層次都好豐富。- - -乳酪芝芝愛玉水蜜桃 (套餐加配 $38)水蜜桃特飲比較清新，表面係甜甜酸酸嘅乳酪奶蓋，水蜜桃茶味道清甜，入面仲加左愛玉，有咬口之餘又唔會覆蓋到飲品嘅清純。