古早味原住台灣 (Closed)

今日同朋友到尖沙咀行完街就到isquare對面古早味原住台灣食下台灣野。入到去安排好窗口位，坐下睇睇餐牌食咩先。個環境其實都幾舒服，唔會太焗促。一人一碗飯加一個小食。豐收飯都幾多料，牛展口感都幾好味，鹵水蛋幾入味。鹵水雞翼都不俗，豬腩肉口感同味道都幾好，腸仔味道有驚喜的確唔錯。魚都幾好味質感幾好。滷肉飯肉碎幾鮮味和鹵水蛋一樣都夠入味。宜蘭卜肉個口感不錯，香脆可口仲係即炸熱辣辣。店員不時幫忙加飲水，走既時間都好好禮貌抵讚。