忠孝東路

Open Now

Now Closed

約咗好耐冇見嘅舊同事出嚟食飯，我哋都想食台灣菜所以搵到呢間響iSquare 3樓嘅忠孝東路，佢哋晚市有兩道菜或者三道菜嘅套餐價錢係（$118 同 $148）。我就叫咗三道菜套餐，包括左麻辣牛筋，配上紅燒牛肉麵同埋豆腐魺仔湯，佢哋嘅餐飲如果轉珍珠奶茶可以半價加購，所以我要咗杯金鑽姜母珍珠奶茶（$20）呢碗牛肉麵份量十足，有四大舊冧軟牛展肉，同埋佢哋嘅珍珠奶茶都好大杯。舊同事就叫咗兩道菜嘅餐，包括酥炸鹽酥雞同埋黑蒜排骨飯，配咗一杯黑魔金鑽珍珠奶茶🧋另外位同事係食素嘅，所以叫咗碟豆醬炒A菜配白飯，同埋叫咗杯熱嘅香芋奶茶（$33）。最後我哋仲share咗個黑糖珍珠雪糕配台式麻薯窩夫（$108），為呢一餐畫上完美句號。