久久

Open Now

Now Closed

放工之後同朋友一齊，係恆生銀行處理啲業務後， 仲可以來得及去對面 中環街市 食下午茶。 地下嗰層環境好舒服 闊落， 這間台灣菜好多人幫襯， 而且有窗邊位置。久久麻辣牛三寶(腱心、牛筋、牛肚)店員推薦必食的 item， 份量大大碟， 食物光澤油潤， 鹹香道適中， 牛肚質地軟嫩唔黐牙， 腱心牛尾味香濃啖啖肉， 牛筋 嫩滑得嚟有彈牙感覺。 仲有好入味嘅鹵水糖心蛋， 蛋黃流心嫩滑。下午茶嘅滷肉飯真係超抵食 ，蜜汁滷排骨滷肉飯， 排骨超香脆， 肉質很鬆軟， 滷肉肥瘦剛好而且好多汁， 加埋酸菜非常惹味。鹽酥雞滷肉飯， 鹽酥雞嘅份量都唔少，即叫即炸， 薄薄嘅粉漿， 雞肉保持嫩滑多汁。最後叫咗兩杯 芋香珍珠奶茶， 台灣味道即刻返曬嚟， 珍珠煮得唔錯，QQ彈牙有咬口， 香芋味濃而且夠曬冰凍。