加記 (卑路乍街)

Open Now

Now Closed

加記作為街坊檔，搭檯我o地一早預o左。佢o既咕嚕肉炸得十分鬆化，皮脆又有肉味，個汁o既甜酸度亦校得好好，好多地方（甚至係另一間加記）都食唔到。另外叫o既蠔仔煎蛋，蛋香之餘，不會煎得太老，蠔o既鮮味得以保留，咬落去仲有蠔汁，而且仲有幾隻重量級蠔仔，送飯相當美味。服務都算係咁啦，街坊檔，起碼留低電話後，佢話大約15 分鐘有檯，但10 分鐘已經打o黎話搞掂，我覺得睇埋個價錢，絕對係中規中矩。加上免費餐後糖水，我就冇乜意見o勒。如果大家有興趣去，仲可以試o下陽光十二菜，魚湯上、大碟頭，起碼夠三、四個人食。