蓬萊咖哩屋

Open Now

Now Closed

武漢肺炎疫情影響之下，近期多咗食外賣。呢間由細食到大嘅地道印度咖喱屋，係外賣平台都有提供服務。平時次次都係食雞，今次睇咗OpenRice建議試吓食羊肉，真係冇介紹錯！揀咗個爽滑濃汁羊肉，可自選辣度，揀咗小辣，覺得啱啱好。羊肉睇落好似好韌，但咬落又真係爽口，而且有肉汁，唔會癡牙又唔會𡁻唔爛，有羊肉味但唔算太騷，加埋醬汁又香又有少少辣，值得推薦！呢間舖頭嘅幾款雞我都試過，個人覺得呢個羊出色啲。主食揀咗烤小麥餅，送到上嚟仲熱辣辣，冇乜味但係配咖喱一流！印度菜都幾適合外賣，外賣完全冇令味道變差，好適合武漢肺炎肆虐期間安全地喺屋企食。