川都香味園

Open Now

Now Closed

前排夜晚行過見到新開，冒菜可以自己揀餸，又有酸菜魚，都幾吸引。同時間有好幾個人都拎起張點菜紙，想叫外賣食，點知原來已經收舖。今次就喺正常食飯時間過嚟，可以坐低慢慢食。我叫咗五餸配主食$48，揀咗萵笋、油麥菜、鴨血、豬大腸及黑豚肉，主食就揀咗紅薯粉。湯底就揀蕃茄湯，雖然揀唔辣，但都有少少辣，茄味都算濃郁。主食份量好充足，食極都有，唔會太淋，煙煙韌韌，口感一流。配菜味道份量都不俗，鴨血同豬大腸都有5至6件。佢叫咗酸菜魚配紅薯粉$68。紅薯粉份量都係十分充裕，魚片新鮮，都好似食極都有。湯底叫咗BB辣BB麻都好有感覺。以份量同味道嚟講，會有下次幫襯。