Glow - Oyster Bar & Grill (Closed)

你今晚去咗中環同老公食咗個豐富嘅西餐，餐廳環境非常唔錯。菜式亦都幾多元化。我就揀咗坐蠔吧因為可以睇住師傅開生蠔。蠔吧隔離寫住左呢度最有特色嘅菜式夜晚九點前買單生蠔同埋小食都有七折優惠。生蠔嘅品種都唔少，我哋揀咗海水味較重嘅NZ Rock.果然好正加少少檸檬唔需要再落調味料。前菜就揀咗個薯條同埋牛油果配蝦他他。薯條炸得好香脆上面加咗少少七味粉好好味，牛油果配蝦他他令人胃口大開。主菜揀咗一個燒羊肉（grill lamp rump) 同埋油封鴨髀（duck leg confit) .油封鴨髀最好食果然係廚師推介，燒得啱啱好肉質唔會太韌。最後再叫咗一個廚師推介嘅意大利蛋糕Glow Tiramisu,非常之特別。有別於一般嘅蛋糕，中間是有cream，旁邊有朱古力手指餅、朱古力餅乾碎、好大塊朱古力脆脆喺面。