Ricco (Closed)

今日拎野比閨蜜，黎到長沙灣就諗住買咪外賣回家享受下，比我發現左呢間餐廳，店面十分光猛，裝修整齊乾淨，，服務員熱情既招待好快就可以落單了。😊首先小食方面就選左炸薯條，我個人十分喜愛，上面有啲黑松露令味道更加提升，炸到香脆可口。另一款小食係芝士肉醬焗薯茸，呢款真心好食，芝士味好出，口感一流，而且份量十足，十分滿足。世界級好味。入口即溶。識食一定要試呢款。主食方面就選左公司飯(雞胸十司華力腸片＋漢堡扒）配照燒汁。啲汁甜甜地撈咪飯食一流。三寶都唔錯，好新鮮，唔會有雪味。非常吸引。另一款係芝士焗意式茄汁豬扒飯，呢款必食之選，味道好，食幾多次都唔會厭。真係好好味。份量都好多，可以分兩餐食都得。非常抵食。另外點左個南瓜湯，非常香濃既忌廉南瓜味，非常creamy，熱飲成身都好溫暖。正。另一個飲品係柑桔蜜緑茶凍飲。非常解渴，酸甜酸甜令人越飲越想飲。