淳吟居酒屋 (Closed)

🍽淳吟居酒屋 又到左食大閘蟹嘅季節🦀今次好驚喜咁發現咗原來日式居酒屋入邊都有大閘蟹食～～🤍蒸北海道產大閘蟹（$128）平時通常食大閘蟹都冇乜點注重佢嘅賣相，今次喺呢度食大閘蟹佢嘅擺盤好靚，仲有朵花花做裝飾， 十分欣賞💓而且大閘蟹入邊仲有超多蟹膏，食落好新鮮，而且蟹肉份量亦都唔少～🤍海鮮大阪燒（$90）有時候食大阪燒會感覺個粉團食極都仲有，而啲料就得丁丁咁多，但係呢份海鮮大阪燒就好足料，而且面頭嘅沙律醬同燒汁，仲有木魚碎嘅份量都好充足！味道同口感都十分之好🤍燒木棉豆腐（$68）豆腐嘅外層唔算十分香脆，但係勝在調味充足，而且點埋特製嘅醬汁食味道一流🤍白蝦唐揚（$58）呢份細細的炸蝦真係食到停唔到口，每隻香脆可口，再加少少青檸汁感覺更加fresh~🤍軟棉蝦夷鹿肉漢堡兩食（味增燒茄子） （$115）食上去嘅感覺似係高級版嘅漢堡扒，個醬汁同塊肉嘅味道好夾，配埋嘅茄子亦都燒得啱啱好💰人均消費：約$250📍佐敦文英街33號地舖