金子半之助 (利東街)

Open Now

Now Closed

好耐未食過天婦羅啦，原來喺灣仔有一間天婦羅專門店，呢間舖頭喺日本開到嚟香港，當然所有食物嘅材料都好有水準。你間舖頭位置都非常方便，地鐵站一出2分鐘內就到。沿途中可以欣賞下利東街嘅特色。呢間餐廳採用日本米，令到呢個丼飯加到100分😍😍我哋本來都唔係好鍾食煎炸嘢，但係呢個天婦羅真係好好食，唔會好似出面食嘅天婦羅好多粉，同埋咬落去好油膩。今次我叫咗江戶前天丼，天丼稻庭烏冬。❤️江戶前天丼基本上有嘅天婦羅嘅食材都有，有海老、魷魚，海苔、溫泉蛋。但係最特別之處就係呢個丼有整條鰻魚。金黃色嘅天婦羅，同埋食落去不覺得油膩之外，另外仲有點甘甜嘅味道，完全唔需要有任何嘅醬汁，都會覺得好好味。最特別嘅，溫泉玉子都可以做炸物，流心嘅蛋黃汁，配上香脆嘅天婦羅，真係想食多一碗飯。迷你天丼稻庭烏冬今次朋友比較貪心，又想食飯又想食烏冬，所以呢個配搭最適合佢。起初以為烏冬會令天婦羅冇咁香脆可口，但呢個觀念我諗要改一改，非常好味。呢個迷你天丼蔬菜會比較多，有好好味嘅菇菌。❤️最特別嘅係個烏冬，如果你鍾意食好多蔥同埋唔同嘅配料嘅，有一大盒不同嘅配料，任你配搭。