甜甜屋

Open Now

Now Closed

星期六，第一次帶仔仔座電車，因為仔仔話未座過，今次我們由天后食完野行左一會街，再座過來西灣河，落車就比佢門口的甜品相吸引了。仔仔就眼金金望住我話好想食，見佢渴望的眼神，就同佢入去食了，其實我自己睇到都想食。由於我和仔仔口味和喜愛的食物相同，我們就叫左榴槤飄香和芒果窩夫一起分享。講真唔係每個人都鍾意食榴槤的，難得仔仔同我臭味相投， 個榴槤飄香好足料，一大球榴槤肉加上榴槤冰底，椰果和蘆薈，一湯匙過入口冰涼透心。另一甜品芒果窩夫佢比我選擇雪糕球味道，我選擇左仔仔最愛的曲奇， 窩夫即叫即焗，拎來時好香雞蛋味，切一切好脆口，切小小加上雪糕，那個冰火感覺超爽， 旁邊仲有香甜的芒果，成件事超滿足。仔仔已經講好下次要再來食其他窩夫口味了。