新華苑酒家

Open Now

Now Closed

紅燒乳鴿，揀呢個紅燒乳鴿嚟做前菜真係最好不過，乳鴿燒到皮脆肉滑，一人得一舊真係有啲唔多夠喉，下次要嗌多隻先得。漁村小炒王，我不嬲都好憎小炒王呢一類嘅菜式，因為我覺得係一咋下欄嘢炒埋一碟，不過今日表姐嗌嘅呢碟小炒王令我對呢類菜式刮目相看，廚師將味道拿捏得好準確，平時喺其它餐廳趙到起哂渣嘅韭菜花喺呢度出奇咁鮮嫩，啲蝦乾仲好似鮮蝦咁大隻，腰果夠脆，難得嘅係連魷魚都係新鮮嘅，用料一啲都唔下欄，讚。金蒜蒸北海道元貝皇，元貝隻隻都好大隻，粉絲索盡元貝嘅鮮甜味，加上蔥蒜豉熟油，好味到不之得了。上湯加拿大龍蝦，兩舊水有成兩隻大龍蝦，上湯個味道都夠濃，令我懷疑係咪嗌咗芝士焗，龍蝦肉爽口彈牙，無得輸。