萍萍上海館

Open Now

Now Closed

今日去長沙灣做嘢經過呢間萍萍上海菜館。好耐冇見過上海小館；二話不說即刻同拍檔入去。見到菜牌琳瑯滿目，好多嘢揀，樣樣都想食。最後我哋兩個麻甩佬要咗一個鱔糊套餐，配豆漿同白飯仲有例湯。加$12有一個鴨絲春卷。另外叫咗個醉雞、小籠包、鍋貼。鱔糊同醉雞都有水準；有我哋以前細個上海小館嘅風味。佢嘅小籠包同鍋貼絕對有大館水準，唔會一夾即散，皮嘅厚度同肉嘅份量配合得完美，即叫即蒸冇得詐型。其中最好味嘅係個鴨絲春卷，一條條鴨絲同春卷有完美嘅配搭，絕對要一試。另外呢度員工嘅服務簡直100分，貼心細心，兼有耐性。這𥚃實在是寶藏食肆，值得推介。