朱敏記桑拿菜 (Closed)

今晚約咗朋友食飯，佢就車咗我去土瓜灣食呢間朱敏記桑拿菜，話係區內知名大排檔，見網上好多人介紹過，想試好耐，搞到我都即刻想斯試過！「桑拿菜」即係放海鮮喺蒸架上蒸熟，但見小炒吸引，今次先試下嗌餸食飯～今晚嗌咗幾個小炒，但我最中意食《 深海爽魚片》同《 深海魚腸炒菜心 》。啲魚片真係超爽彈，份量算多，而且新鮮味香，用醬油加少少辣椒已經夠提味～炒菜心同魚腸就食得多，但配搭埋一齊就真係未試過，而且係深海魚腸添！啲魚腸原來煙煙韌韌幾有膠質，菜心鮮嫩無渣～小炒唔錯，下次試埋桑拿菜先！