雷公子海鮮串燒大排檔 (Closed)

同老公起又一城行完街，順路就去咗九龍城搵野食，今次就試下泰菜以外嘅選擇。我哋叫咗牛油蒜蓉燒扇貝，$48一隻，好香牛油同蒜蓉味，扇貝好大隻，好厚肉，而且好鮮甜。原來9點後做特價1蚊1隻添。 銀山火焰桶蠔，上台果陣仲著住火，視覺上已經係好好嘅享受，食埋入口就更加好食，外面有少少焦脆，入面蠔味足之餘仲好多汁。豉油皇龍鬚炒麵，龍鬚其實就係魷魚鬚，炒麵非常爽身，食到底都見唔到好油起碟底，非常出色，盡顯大廚功架。