Homeland (東昌街) (Closed)

星期四夜晚7點半先到鋪頭，已經有人等緊位了，好彩我哋等左10分鐘度就入得❤️🍝松露啡菇雞胸闊條麵份量非常足夠，雞胸都好嫩👍🏻闊條麵嘅感覺非常彈牙，食落口感似係新鮮嘅闊條麵😍呢個價錢都真係好抵，醬汁啱啱好食晒成碟麵，唔會好膩🍳賓尼迪蛋有好多配菜：牛油果、醋撈沙律菜、德國腸、煙三文魚個蛋做得啱啱好，半留心蛋，蛋汁點嗰個包超好味😍😍🍟脆炸粗直薯條配松露蛋黃醬係冇得輸嘅組合👍🏻👍🏻薯條好好味，去邊一間餐廳都會忍唔住嗌🤣🥦🧀香濃芝士焗西蘭花上面仲有啲火箭菜，每一粒西蘭花都有好多芝士黐住，食每一啖都好滿足🍰海鹽焦糖芝士餅好甜，你話想像中有焦糖皮，不過都好香焦糖味👌🏻👌🏻