嫲嫲辣辣

Open Now

Now Closed

同我朋友做完嘢響尖沙咀度搵嘢食，時間夜咗少少已經發覺少咗好多食肆開門，搵吓搵吓結果突然間朋友話去返厚福街搵嘢食，跟住就入咗嚟呢間嫲嫲辣辣。其中一個好處起碼係佢冇咁早閂門，又有位坐，不過一路坐都見到不斷有人嚟食嘢，已經好過以前要排長龍。今次大家都肚餓，所以嗌咗一個干鍋底之後，都加咗幾多嘢落去。味道係孜然，跟住分別叫咗羊肉片、蜆、中蝦、雞翼尖、青瓜、田雞、紅薯粉、雲南花菜、篙筍、同埋秋葵。味道無變一樣咁好食，不過唔知係咪轉左個喎用咗個煤氣爐底，一路用細火熱住佢，變咗個鍋底油多咗，同埋啲熱力唔夠，要不斷響度攪勻佢先至熱返啲。呢部份有啲失望，但係其他整體都好好。