德國餐廳 (翠怡花園) (Moved) New Location

餐廳唔算好大間，但係每張枱都好闊落，可以坐得好舒服～ 餐廳用電子餐牌，選擇都好多🤩 我同朋友兩個人就首先叫咗炸魚薯條做前菜，炸粉夠薄不過又夠脆，咬落去啖啖都係魚肉，配埋沙律醬，好好食～ 另外仲叫咗個西班牙海鮮飯，海鮮份量都幾多，有蜆、鮮蝦、帶子同埋魷魚等等，而下面個飯就偏向似蕃茄味，米粒有咬口👍🏻最後就係重頭戲：德國鹹豬手配酸菜配薯仔沙律🤣豬手個皮好脆，肉質好鮮嫩，一啖有雙重口感🤩而且唔會切到好細塊👍🏻 😆配埋黃芥末醬，又增加左味道層次👍🏻 食豬手就點少得啤酒，點左一杯rosee 同埋 一枝apple cider👍🏻 好正😍