孖啡 (Closed)

喺油麻地行街行到攰攰哋，上網見到呢間Cafe，二話不說就上咗去食個dinner。餐廳環境原來都幾闊落，好適合三五知己，或者一大班朋友聚餐。餐廳門口仲有啲board game可以揀吓一齊玩。佢個Menu就冇咩特別，但係佢個drink menu 就好特別啦！佢哋以塔羅牌嚟命名啲飲品。我睇咗一陣，但係最終都係揀咗我最鍾意嘅士多啤梨乳酪。士多啤梨乳酪話明Cafe，飲品梗係都ok 啦！士多啤梨乳酪幾好味，係我鍾意嘅味道。榛子朱古力呢一個就係我朋友點嘅， cream幾香奶味，最緊要靚仔呀嘛！ 牛肝菌帆立貝野菌意大利飯佢哋嘅飯唔會好硬，係我同朋友都鍾意嘅軟度，佢哋啲野菌一啲都唔手軟㗎，好多菇鍾意菇菇菇🍄嘅朋友就一定要揀呢碟意大利飯。啲飯仲吸收咗好多野菌嘅香氣添！軟殼蟹黑松露意大利粉呢一碟我就覺得幾有驚喜，一上碟就聞到黑松露嘅香氣。佢嘅意粉好掛黑松露忌廉汁，而且仲好入味。軟殼蟹都炸得好酥脆。牛角窩夫伴雪糕熱嘅牛角窩夫配凍冰冰嘅雲呢拿雪糕，凍同熱嘅感覺一齊好鬼正。