Video
Read full review
2022-01-28
63 views
香港近年出現了不少手工餃子店，當中有很多都標榜新鮮即製，不含味精及防腐劑，令人食得放心又安心。最近就同屋企人幫襯咗觀塘呢間新開嘅「滾餃」。餐廳地方不大，一眼睇晒，水泥牆身配以室內嘅霓虹燈裝飾，設計簡約又充滿質感。先睇下餐牌，餃子嘅款式唔算多，只有 7 款，另外亦有 5 款冷盤小食同飲品等供應，揀咗湯餃同煎餃各一，另加小食同飲品。蒜芯鮮蝦豬肉湯餃 ($58/10隻) 率先送上，湯底以豬骨熬製而成，嚐一口，啖啖豬骨精華，濃而不膩，而且飲得出無落味精，就算成碗飲晒都無問題！餃子新鮮即製，大大隻，好足料，外皮煙韌滑溜。蒜芯很爽口、味甜鮮嫩；鮮蝦成隻手指咁長，真係抵食到爆；豬肉甘香肥美、幼嫩得嚟又有肉汁。加咗 $12 配烏冬，麵質好爽滑，軟嫩中略帶一絲彈牙，夾埋飽滿嘅餃子同辛口爽脆嘅菜脯一齊食，真係令人回味無窮。至於煎餃就點咗黑松露芝士豬肉餃 ($60/10隻)，餃子煎得十分香脆，外形脹卜卜，入面嘅肉餡鬆軟又多汁，咬下啖啖都係松露同芝士嘅香氣，口感甚佳。小食揀咗涼拌肉鬆皮蛋豆腐 ($36)，豆腐清涼嫩滑，面頭嘅肉鬆夠晒澎湃，而且食落頗有咬口，皮蛋甘香軟綿，加上淋滿了自家製嘅醬汁，味道酸酸鹹鹹
最近就同屋企人幫襯咗觀塘呢間新開嘅「滾餃」。餐廳地方不大，一眼睇晒，水泥牆身配以室內嘅霓虹燈裝飾，設計簡約又充滿質感。
先睇下餐牌，餃子嘅款式唔算多，只有 7 款，另外亦有 5 款冷盤小食同飲品等供應，揀咗湯餃同煎餃各一，另加小食同飲品。
蒜芯鮮蝦豬肉湯餃 ($58/10隻) 率先送上，湯底以豬骨熬製而成，嚐一口，啖啖豬骨精華，濃而不膩，而且飲得出無落味精，就算成碗飲晒都無問題！
餃子新鮮即製，大大隻，好足料，外皮煙韌滑溜。蒜芯很爽口、味甜鮮嫩；鮮蝦成隻手指咁長，真係抵食到爆；豬肉甘香肥美、幼嫩得嚟又有肉汁。
加咗 $12 配烏冬，麵質好爽滑，軟嫩中略帶一絲彈牙，夾埋飽滿嘅餃子同辛口爽脆嘅菜脯一齊食，真係令人回味無窮。
至於煎餃就點咗黑松露芝士豬肉餃 ($60/10隻)，餃子煎得十分香脆，外形脹卜卜，入面嘅肉餡鬆軟又多汁，咬下啖啖都係松露同芝士嘅香氣，口感甚佳。
小食揀咗涼拌肉鬆皮蛋豆腐 ($36)，豆腐清涼嫩滑，面頭嘅肉鬆夠晒澎湃，而且食落頗有咬口，皮蛋甘香軟綿，加上淋滿了自家製嘅醬汁，味道酸酸鹹鹹，好惹味。
飲品本來想點餐廳自家製嘅支裝奶茶，可惜太受歡迎，一早售罄，幸好支豆漿 ($10@) 嘅味道亦唔錯，豆香濃郁，入口順喉。
臨走時見到店舖已全場滿座，睇嚟餐廳真係幾高人氣。
Post
