Babacio Cucina (Closed)

端午節來個港島美食之旅第一站去咗中環食手工pizza 約咗成個月 終於都嚟了急不及待叫咗沙律、意粉、pizza開放式大門可以望住雨景 好寫意地嘆吓會覺得雨天都是可愛的😊🔸Mare E Monti ($108)有煙三文魚、牛油果🥑嘅沙律，用料夠新鮮，醋汁酸酸甜甜，好香！整體感覺好fresh，哩個好食！🔸Pomarola ($108)好鍾意個汁，食得出用咗新鮮番茄去煮醬，有清新嘅番茄香，酸中帶有洋蔥嘅甜，好開胃。長通粉軟硬適中，幾彈牙，唔錯。🔸Margherita ($108)我最鍾意食Margherita，而且哩度嘅pizza係人手即製，薄身脆口又煙韌，好感好好！用新鮮蕃茄醬同大量芝士，邪惡得嚟又唔會太膩，但我個人喜好會鍾意再多啲茄醬，會更好味。