兜記即燒乳豬專門店 (Closed)

明天要返工今天是假期最後一天，不要太辛苦，同相公出街吃晚飯。今次選擇兜記，因為吃過數次下午茶，食物質素新鮮有水準，好過大集團的酒樓。可能長假期多人外遊，所以晚市不太多人不用等位。我們選了份海鮮孖寶：薑蔥美國桶蠔煲+蒜蓉蒸龍躉頭腩=$308，及一個例牌燒乳豬$128。滾熱辣香噴噴上枱，薑片蔥段煮到好惹味索哂d蠔味非常美味，生蠔炸到外皮酥脆，而內𥚃軟嫩多汁，成煲連薑蔥吃哂👍🏻跟著蒜蓉蒸龍躉頭腩亦大大碟，而且肉多骨少，啲魚皮又厚充滿骨膠原，兼且滑嫰嫰，蒸魚汁撈白飯一流最後到即燒乳豬上枱，原來還有一小籠熱辣辣軟綿綿薄餅共六件附送，每件乳豬已切除了多餘肥膏，每件都脆卜卜，點些乳豬醬用薄餅夾著來吃，一口咬落去仲聽到咬碎脆皮乳豬皮聲音。吃完六件乳豬皮，吃埋下面那些又嫩又有肉味啲乳豬肉。吃完又滿足又有幸福感覺！吃完飯還有紅荳沙糖水送，簡正是抵吃！兜記將會成為我的飯堂。