Video
Read full review
2019-08-29
2766 views
平日和公司同事食飯都只會食晏晝，甚少會吃晚飯，因為下班後通常都各有各忙，難得今日有人提議放工後一齊去食餐飯，我當然樂意奉陪。今次揀左景福街呢間新開嘅「叉燒丼家」，由公司行過嚟只是 10 分鐘路程。放工後第一時間鬆人，來到時還未夠六點，由於時間尚早，店內只是一、兩檯食客，我哋揀左個靠牆的卡位，三個人坐，非常鬆動。先拿起餐牌細看，食物很簡單，以一張 A4 Size 紙張印刷，一版睇曬。至於選項方面，一如店名所示，以叉燒丼為主，另外亦有常餐、多士、小食同飲品等。我哋點左兩個丼飯，包括店員力推，話係新出嘅鰻魚叉燒丼飯 ($78)、極上叉燒丼飯配脆邊雙蛋，另外再加左炸豬扒、蔥花炒蛋脆多士同每人一杯紅豆冰 (+$6@)。鰻魚叉燒丼飯非常大碗，分量十足，飯面除了放有原條鰻魚外，還有 6 塊叉燒。叉燒烤得好香，而且仲帶有少少燶邊，外面微脆，入口肉質軟嫩，配埋蜜汁真係好邪惡，夠曬 Juicy！鰻魚肥厚又多肉，經過火炙後，肉質外焦香內軟綿，加上面頭的醬汁，增添了鰻魚的炭燒風味，令人回味無窮。叉燒丼飯 (極上叉燒、脆邊雙蛋) ($52）至於另一碗叉燒丼飯就配左煎雙蛋，叉燒肥瘦適中，既有嚼口又油香四溢，食落帶
平日和公司同事食飯都只會食晏晝，甚少會吃晚飯，因為下班後通常都各有各忙，難得今日有人提議放工後一齊去食餐飯，我當然樂意奉陪。今次揀左景福街呢間新開嘅「叉燒丼家」，由公司行過嚟只是 10 分鐘路程。
放工後第一時間鬆人，來到時還未夠六點，由於時間尚早，店內只是一、兩檯食客，我哋揀左個靠牆的卡位，三個人坐，非常鬆動。
先拿起餐牌細看，食物很簡單，以一張 A4 Size 紙張印刷，一版睇曬。至於選項方面，一如店名所示，以叉燒丼為主，另外亦有常餐、多士、小食同飲品等。
我哋點左兩個丼飯，包括店員力推，話係新出嘅鰻魚叉燒丼飯 ($78)、極上叉燒丼飯配脆邊雙蛋，另外再加左炸豬扒、蔥花炒蛋脆多士同每人一杯紅豆冰 (+$6@)。鰻魚叉燒丼飯非常大碗，分量十足，飯面除了放有原條鰻魚外，還有 6 塊叉燒。叉燒烤得好香，而且仲帶有少少燶邊，外面微脆，入口肉質軟嫩，配埋蜜汁真係好邪惡，夠曬 Juicy！鰻魚肥厚又多肉，經過火炙後，肉質外焦香內軟綿，加上面頭的醬汁，增添了鰻魚的炭燒風味，令人回味無窮。
叉燒丼飯 (極上叉燒、脆邊雙蛋) ($52）至於另一碗叉燒丼飯就配左煎雙蛋，叉燒肥瘦適中，既有嚼口又油香四溢，食落帶蜜糖甜香。米飯水準亦唔錯，不但夠乾身，而且粒粒分明又唔鬆散，爽口不膩。煎雙蛋賣相非常吸引，兩隻蛋黃皆呈流心狀，蛋味相當香濃，配埋外面嘅脆邊，食落香氣撲鼻，用蛋汁來撈飯吃，味道一流。
炸豬扒 ($25)，豬扒嘅炸功相當上乘，脂肪部分比較少，炸得鬆脆之餘亦厚度適中。至於肉質方面，雖然是以瘦肉為主，但口感非常鬆軟，肉汁亦比預期多，肉味鮮甜。
蔥花炒蛋脆多士 ($24)，炒蛋加入了蔥花，麵包薄切，烘成非常香脆的薄片多士，加上夾層的厚切牛油，絕對可以話係集牛油鹹香、多士焦香、濃郁蛋香、撲鼻蔥香於一身，唯一就是稍嫌中間嘅炒蛋略欠濕潤嫩滑，否則食味更佳。
紅豆冰 (+$6@)，杯內的紅豆既大粒又香甜，而且腍得來更保持著點點咬口，與椰汁混和後，夠曬冰涼解渴。放工後可以同同事食餐飯、傾下偈，而且無平時食晏咁趕頭趕命，感覺的確唔錯，其實幸福就是這麼簡單。
Post
