Video
Read full review
2019-09-02
1223 views
飯堂總於重開啦！以後灣仔揾fusion 素又有著落。裝修後，地方大咗，光猛咗，坐得舒服啲。第一日重開試業，選擇雖然未齊全，但有新驚喜，每日三款焗飯🍲，堂食或外賣，$50 送湯或飲品。試咗個白汁素火腿意粉，唔會太鹹太多醬，幾好味，食物温度適中，唔會 overcooked.餐湯磨菇湯依然係我嘅至愛，食完已經好飽。我係因為呢個湯做咗常客！不得不提，請了個咖啡師多了好多飲品揀，有咖啡、Latte , smoothies . Smoothies 冲得唔錯，款款健康，天然冇糖唔怕肥，必飲🍹🍵 星期四下午茶同媽媽再去，媽order 了個羅漢齋鮮菇海燕窩湯麵，好足料，湯底唔濃味，食到食物原味！這是我喜歡小苗子的原因，坊間可食到原味的少之又少！我order 了兩塊烘過的有機薑黃多士，走醬，仲要係 Eric Kayser 出品，好味。老闆娘落重本！最後買了新到的羽衣甘藍米糕，澳洲低 GI 米粉做，最啱老人家食，糖尿病患唔洗就住就住，零負擔。逆市有素食店重開，大力支持！（温馨提示：餐具係枱嘅櫃桶到）外賣焗飯，白汁素火腿意粉揼本 Eric Kayser 多士，正老人家啱食的羅漢齋湯麵，超豐富一定要試，左邊的
裝修後，地方大咗，光猛咗，坐得舒服啲。第一日重開試業，選擇雖然未齊全，但有新驚喜，每日三款焗飯🍲，堂食或外賣，$50 送湯或飲品。試咗個白汁素火腿意粉，唔會太鹹太多醬，幾好味，食物温度適中，唔會 overcooked.
餐湯磨菇湯依然係我嘅至愛，食完已經好飽。我係因為呢個湯做咗常客！
不得不提，請了個咖啡師多了好多飲品揀，有咖啡、Latte , smoothies . Smoothies 冲得唔錯，款款健康，天然冇糖唔怕肥，必飲🍹
🍵 星期四下午茶同媽媽再去，媽order 了個羅漢齋鮮菇海燕窩湯麵，好足料，湯底唔濃味，食到食物原味！這是我喜歡小苗子的原因，坊間可食到原味的少之又少！
我order 了兩塊烘過的有機薑黃多士，走醬，仲要係 Eric Kayser 出品，好味。老闆娘落重本！最後買了新到的羽衣甘藍米糕，澳洲低 GI 米粉做，最啱老人家食，糖尿病患唔洗就住就住，零負擔。
逆市有素食店重開，大力支持！
（温馨提示：餐具係枱嘅櫃桶到）
外賣焗飯，白汁素火腿意粉
揼本 Eric Kayser 多士，正
老人家啱食的羅漢齋湯麵，超豐富一定要試，左邊的 Smoothie 係特飲另計
糖尿病人放心食
Post
