壽定食屋

Open Now

Now Closed

今日黎到荔枝角搵食，係商場度搵到個food court，就決定試下呢間，好快同友人就坐底左。晚上都唔算太多人，坐得都幾寬闊，都幾舒服。首先我就選左個日式豚肉咖喱飯，咖喱汁非常多，而且唔會好辣，小朋友都岩食。豚肉既份量都好多，撈飯食一流。而且隨餐重跟咪一碗麵豉湯，非常貼心。清清地唔會好鹹。友人就選左日式海鮮炒烏冬，呢個烏冬非常彈牙有口感，味道都唔錯，海鮮配料又豐富都好值得一試。隨餐又係跟咪個麵豉湯。都係幾唔錯既選擇。最後叫多個小食，鹽燒鯖魚，啲骨好軟，可以連骨食，鹹鹹地味道岩岩好，好唔會有雪氣，非常新鮮可口。小朋友都岩食。