佐賀山田 (Closed)

今日約左好耐冇見既朋友在青衣城見面食野行下， 在諗食什麼時， 見到佐賀山田， 燒肉放題100分鐘都只是黑安格斯牛都是三百幾，而且環境乾淨，時間尚早，閒日人流不算多， 行到攰可以坐下食下， 傾下計都好。坐底職員就送上一盤燒肉盛， 已經包括幾種靚牛肉， 有齊不同部位同切法， 各有優勝， 部分油脂分佈均勻油香四散， 薄薄一片， 快熟得來， 又容易燒到金黃。有啲部位雖然油花不多但肉味香濃。其間不懂使用燒爐， 職員都好幫忙關細火一些。之後繼續主攻牛肉之外， 再試下其他野食， 當中都有幾種海鮮類別既野， 試左牛油煮蜆， 魷魚仔及較特別的一夜干及鱈魚片。煮蜆同魷魚就一般般， 但另外兩款有驚喜， 一夜干燒起上來真是外面皮脆， 入面魚肉軟。鱈魚片更特別， 但要小心燒燶， 燒一陣縮左啲硬身就可以食， 食落係似魚味香濃既脆片。仲試左牛油金針菇、粟米同翠玉瓜， 三樣都不錯。飲品方便選擇很多， 選左解茶解油膩， 可以食多啲。最後當然食番兩枝日本口味雪條先滿足離開， 太飽有其他口味雪糕同甜品都試不到了。