hōmu by favilla (Closed)

午餐時間經常見到愉景新城入邊呢間日式西餐廳滿座，今次決定同同事一齊嚟試吓！等咗5分鐘左右就入得，都唔算耐。餐廳座位設計都幾開陽，感覺都算舒服，方便同人一齊食嘢傾偈。今次叫咗個日式芝士漢堡配蛋飯套餐，芝士漢堡入邊有濃濃嘅芝士，再配有甜味嘅日式咖喱，整體幾好食！而飯上面嘅炒蛋吵到好軟滑，配埋漢堡咖喱一齊食，質素不錯。而套餐也配有紫薯蓉作為甜品同粟米餐湯。紫薯甜品幾精緻，每一啖都有紫薯嘅香味。而粟米餐湯就都幾有溫馨日式餐嘅感覺。同時，套餐亦都配埋一杯熱嘅日式齋啡，味道唔算苦澀，容易入口，健康好飲。