鮨玥 (Closed)

朋友住鯉景灣，今日佢帶咗我去樓下食日本菜，坐低唔少得嗌咗兩杯生啤，喺日本餐廳飲嘅生啤，總係覺得特別冰凍好味道。叫咗兩個前菜，鱈魚乾及炸日本池魚苗，兩樣都好香脆送酒，魚苗細細條，整條入口，仲幾有魚味。池魚刺身，加酸汁，夏天色特別適合，魚身爽脆，魚味鮮甜。薄燒牛舌，口感彈牙，一定要趁熱食，放耐咗會有啲煙韌。燒白鱔串，鱔肉冇泥味，外皮燒得非常香脆，肉質細緻好味。拖羅壽司盛，一次過食到三種拖羅位置，各有各嘅肥美肉香，入口即溶又冇乜筋。牛油軟殼蟹卷，軟殼蟹加牛油果沙律醬，味道豐富，魚籽入口卜卜趣脆，勁有層次！附近好多日本人居住，坐低見到有兩台都係日本客人，餐廳食物真的不錯！