薈萃甜物

Open Now

Now Closed

每次來火炭，一定會嚟呢度食早餐。一入來，見倒啲員工唔同哂，估佢應該轉咗老闆，但好在美味依舊！所有食物仍然係即叫即做，熱辣辣。呢樣最得我歡心，因為我好怕食啲唔夠熱，或者放响個暖櫃但攤到凍哂嘅嘢。炒蛋嫩滑，多士又香又鬆脆，煙肉和火腿吃得出不是用下價貨。通粉配蘑菇粟米，好啱胃口，不過湯底略嫌鹹咗少少。呢個早餐份量超大，好飽好滿足：）佢廚房是開放式，看得出廚師即使忙到冇停手，都煮得好用心，讚！希望佢堂食可以唔用即棄餐具啦。食完之後掉咁多嘢，感覺好罪過。