Mimila (Closed)

新城市出名勁藍，竟然有間美味嘅黃店，仲好抵食！下午茶有8折！～～～🦴新加玻白胡椒肉骨茶($78)一上菜就聞到超濃胡椒香，飲啖湯，竟然一啲都唔嗆辣，好舒服～而更特別嘅係用咗豬軟骨同豬手！豬軟骨入口即化，連軟骨都好軟滑！豬手亦煮得超淋又入味，筷子都夾得開～一定會返黎再食！～～～🥗手撕雞沙律配芝麻醬($78)勁多手撕雞，疊到座山咁，雞絲食落都算滑，配埋芝麻醬更滋味！沙律菜都好新鮮爽口。～～～🍜喇沙海鮮湯麵($118)喇沙湯底比較清，我喜歡杰身又充滿花生同椰香嘅喇沙，但係有海鮮搭救，特別係魷魚好爽口，下次可以試埋蝦湯！