Pulau

Open Now

Now Closed

今日岩岩收工又約左閨蜜去食晚餐傾計。黎到中環街市而家裝修得好靚，有好多食肆同酒吧，平日都好多人黎消遣。我地都唔例外。😂今次就試下呢間食星馬泰風味既。首先我地點左個手打櫻花蝦餅，呢個食起有啲似薯餅既質感，點咪醬食特別可口。第二款小食係半熟蛋配咖吔多士，呢個咖吔多士十分好味，係我既最愛，外脆內軟，味道非常好，重有一層牛油，食起非常有口感，世界級享受😎。主食方面就選左新加坡大蝦喇沙摻摻／米線，呢個湯底無得輸，非常香濃，而家餸同配料好多。食起非常豐富。另一款係娘惹茶燻鴨配：雞油香飯及蘇東魚丸雞湯。鴨肉好香，點咪啲醬汁食特別野味。份量都好足，值得一試。