8
1
1
Level4
311
0
2019-01-21 914 views
今晚一家人去完圖書館已經相當肚餓,諗住去試下阿仔成日要求食的金滿園,點知企滿人等位,阿仔又固執病發作死都唔肯去第二間食,唯有一直等,好彩頭先借左兩本書比兩隻小鬼邊睇邊等!其實呢間金滿園我地以前都成日幫襯外賣,但好似從來無堂食!有時返屋企經過都會見佢好似今日咁人山人海,如果我無個固執精係度嘈住哂,其實我唔會企係度等半小時!其他人為咩呢?我們一邊等當然一邊睇定食咩,一坐低就落單!呢間店係家庭式經營,太子臉上經常掛住親切的笑容,而且D人話佢好勁,排隊唔洗比號碼,佢完全記得你係第幾個!終於有得坐,坐位逼逼地,係店內近門口位置,但都坐得自在,店內不大,但都有幾張大枱,佢仲開到門外都擺枱添!不過你黎得呢度都唔係求環境啦!今次叫左個2人餐($138+17),唔要湯加$17可以要多個小菜,白飯($7)係另叫的,個飯都大,裝到一座山咁!上菜速度都算快了,先黎左個菜心炒肉片,D菜好新鮮不過無切開比較大條,小朋友食就要幫下佢,肉片份量相對少d,夠鑊氣!另外粟米班塊多汁,魚塊都炸得好,同樣讚!咕嚕雞球味道都好!開胃食飯!唔知係因為太好味定因為太餓,食左3個白飯和3個小菜大家都未飽,於是叫多碟蕃茄牛肉飯。加單都
Read full review
今晚一家人去完圖書館已經相當肚餓,諗住去試下阿仔成日要求食的金滿園,點知企滿人等位,阿仔又固執病發作死都唔肯去第二間食,唯有一直等,好彩頭先借左兩本書比兩隻小鬼邊睇邊等!其實呢間金滿園我地以前都成日幫襯外賣,但好似從來無堂食!有時返屋企經過都會見佢好似今日咁人山人海,如果我無個固執精係度嘈住哂,其實我唔會企係度等半小時!其他人為咩呢?我們一邊等當然一邊睇定食咩,一坐低就落單!
183 views
0 likes
0 comments
153 views
1 likes
0 comments


呢間店係家庭式經營,太子臉上經常掛住親切的笑容,而且D人話佢好勁,排隊唔洗比號碼,佢完全記得你係第幾個!終於有得坐,坐位逼逼地,係店內近門口位置,但都坐得自在,店內不大,但都有幾張大枱,佢仲開到門外都擺枱添!不過你黎得呢度都唔係求環境啦!
142 views
0 likes
0 comments

今次叫左個2人餐($138+17),唔要湯加$17可以要多個小菜,白飯($7)係另叫的,個飯都大,裝到一座山咁!上菜速度都算快了,先黎左個菜心炒肉片,D菜好新鮮不過無切開比較大條,小朋友食就要幫下佢,肉片份量相對少d,夠鑊氣!
55 views
0 likes
0 comments

另外粟米班塊多汁,魚塊都炸得好,同樣讚!咕嚕雞球味道都好!開胃食飯!
49 views
0 likes
0 comments
46 views
0 likes
0 comments
唔知係因為太好味定因為太餓,食左3個白飯和3個小菜大家都未飽,於是叫多碟蕃茄牛肉飯。
加單都好快上,可能因為食到後尾都已經無咩人,汁非常多,少少酸,牛肉唔un,非常好!而且碟頭飯跟送例湯!老火湯!
63 views
0 likes
0 comments

整體黎講,我對呢間野都幾滿意,難怪咁多人等位食佢!我見可以留枱(最低消費$500),所以如果人多都可以考慮打黎留,唔洗等位!
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2019-01-19
Waiting Time
30 Minutes (Dine In)
Spending Per Head
$50 (Dinner)