Video
Read full review
2024-04-24
390 views
呢間韓國料理已經開業多個20年，聽聞係由韓國人主理，所以食物特別正宗，今日就帶哥哥來試吓韓式燒肉，果然係大滿足❤️食完豐富的韓國配菜，包括辣辣地的小魚仔及泡菜、清新的薯仔沙律、芽菜、菠菜等開胃前菜後（其實這麼多款式已經顯示到呢間韓國餐廳的實力），我哋就急不及待咁試吓兩款招牌菜：～韓國淡水鰻魚來自韓國嘅鰻魚，份量超級足料，即係好大條，啖啖肉好肥美，有專人為我哋燒烤，燒至金黃皮脆，中間的魚肉能保持嫩滑，感覺又有少少彈牙；我哋把鰻魚放喺紫蘇葉上，再加一啲薑絲及鰻魚汁，大大啖的擺落口，真係好鬼好味啊！～調味烤牛肋骨果然係招牌菜，醃得好入味，甜甜地的能刺激味蕾😃呢款牛肋骨我係食極都唔會厭嘅，我覺得黐住骨頭嘅部份係最滑，肥瘦均勻且牛味濃郁；哥哥平日在家也會烤肉，都係半個專家，他把肉烤得恰到好處，肉質嫩滑多汁，入口肥而不膩，我倆很快便把兩大條牛肋骨吃清光，真係回味無窮😋上面呢兩樣因為真係太好食，所以我哋對呢度嘅食物質素很有信心，加咗碟牛脷，最後食埋免費贈送的紅豆雪糕，太開心😃總括嚟講，這間歷史悠久的韓國料理店交通超方便，就在崇光百貨對面，冇得輸！另外，店員服務都好細心，見到烤肉鐵板快黑都會主動同我地更
食完豐富的韓國配菜，包括辣辣地的小魚仔及泡菜、清新的薯仔沙律、芽菜、菠菜等開胃前菜後（其實這麼多款式已經顯示到呢間韓國餐廳的實力），我哋就急不及待咁試吓兩款招牌菜：
～韓國淡水鰻魚
來自韓國嘅鰻魚，份量超級足料，即係好大條，啖啖肉好肥美，有專人為我哋燒烤，燒至金黃皮脆，中間的魚肉能保持嫩滑，感覺又有少少彈牙；我哋把鰻魚放喺紫蘇葉上，再加一啲薑絲及鰻魚汁，大大啖的擺落口，真係好鬼好味啊！
～調味烤牛肋骨
果然係招牌菜，醃得好入味，甜甜地的能刺激味蕾😃呢款牛肋骨我係食極都唔會厭嘅，我覺得黐住骨頭嘅部份係最滑，肥瘦均勻且牛味濃郁；哥哥平日在家也會烤肉，都係半個專家，他把肉烤得恰到好處，肉質嫩滑多汁，入口肥而不膩，我倆很快便把兩大條牛肋骨吃清光，真係回味無窮😋
上面呢兩樣因為真係太好食，所以我哋對呢度嘅食物質素很有信心，加咗碟牛脷，最後食埋免費贈送的紅豆雪糕，太開心😃
總括嚟講，這間歷史悠久的韓國料理店交通超方便，就在崇光百貨對面，冇得輸！另外，店員服務都好細心，見到烤肉鐵板快黑都會主動同我地更換新的，抵讚👍
Post
